Angel 的个人资料๑۩۞۩๑ •°♡•°天使的天堂 •°♡•° ๑...照片日志列表更多  |  工具 帮助 |
๑۩۞۩๑ •°♡•°天使的天堂 •°♡•° ๑۩۞۩๑插上天使的翅膀,飞往幸福的天堂·.¸¸.·´¯`·.¸¸.丶 ♡^_^♡ |
|||||
|
2007/3/14 开学两星期噜～新学期，好忙碌哦！
上学期嘅成绩同六级都比我想象中好好多，感谢上苍！当然都有我自己嘅努力嘅，呵呵～
今个学期开始每逢一二五去汇丰做份收入不怎样嘅兼职，跟住日日上课，迟D仲要上新东方准备考BEC，仲有艺术团专场...
不过，我中意甘样嘅生活，起码充实，而且实在...而且考左车牌，迟D可以试下开爹爹嘅车，有种莫名嘅兴奋哦！
快毕业了，要争取时间为未来打算了！
我要俾爹娘最好嘅生活！我要继续努力！ 2006/12/19 最感动的圣诞节以老师的名义将全班女生留在宿舍，跟住系楼下摆出蜡烛和荧光棒砌出的字样（见相册），齐声喊出：国贸一班的女生，我们爱你们！I LOVE YOU！
哇，感动死了~~以为只会成为哩种事的旁观者的我地，第一次系全栋楼女生的注视下，接受哩种幸福，人生又能有几回呢？ 每个女生都感动得不是尖叫就是无法言语，有的甚至仲留下激动的泪水...... 哩个冬天，因为有国贸一班的你地，我地不再觉得寒冷！ 2006/11/5 Last one show睇睇上一篇日志嘅日期，原来已经差唔多两个月无上嚟写野噜～原来唔止哩个空间，其他blog都好耐好耐无更新过了，呼～～～
好忙啊哩排，一个月前弄完艺术团嘅招新小专场，今个月又系度忙迎新晚会...
琴晚，我嘅最后一场晚会终于结束了！属于我地哩届嘅两场晚会，都结束了！本来可以有第三场，但系，一些人、一些事，令我已经无心无力去办果场晚会了...或者有D对唔住“团长”哩个名，但系，我真系稳唔倒一个理由俾自己点解我仲要搞落去...
哩段时间真系好累，不止体力累，精神上更累...我似乎已经唔知点解我会选择哩一切...旁人觉得“部长”、“团长”哩D头衔真系好威、好劲，但系如果重新俾我拣一次，我一定唔会选择做哩两样野...当其他人觉得我得到左好多，只有我先真正明白我失去左几多...
或者进入哩D组织，得到最多嘅并唔系咩头衔或者职位，收获最大嘅就只系点样去对待压力、点样去对待人同事，特别系果D唔公平嘅事，特别系要学会承受“付出永远不等于回报”嘅打击...不过我亦由此认识到自己各方面嘅不足，面对虽然痛苦，但都系一个令我进步嘅机会吧...
无论点样，最后一场晚会系外人看来系比较圆满甘结束了，甚至有外院人话我地搞到好盛大，我仲系要感激每个帮助过我地部嘅人，感谢我地部做得好辛苦嘅委员同干事，虽然可能我地做得有你地唔满意嘅地方，但仍然多谢你地帮我嘅文娱部生涯画上一个比较圆满嘅句号！
Last one show～～The end～～～ 2006/9/10 懒哦～～终于有心机放D相上来，希望D甘浓嘅妆无吓亲各位朋友啦，因为我自己都被吓左一跳...
哩排未开始做野，每日静系上课同系宿舍混日子；无去练车，六级慢慢背紧单词，会计未开始复...
解释一下上面嘅话：
1.由于考桩似乎遥遥无期，实在无动力去，离我学校太远喇!!!
2.四级过左，成绩虽讲唔上好优秀，但对于只复左一个星期嘅我嚟讲，简直系上天俾我嘅莫大恩赐，去试下考口语咯，最重要都系六级啊!!!
3.上学期学完会计学原理，对会计产生兴趣，想多了解下哩方面嘅野，顺便考个从业员证咯，我爹都话就算学贸易有会计基础都算系一种优势嘅，可以尝试哦～
仲系觉得自己好懒，除左行过去学校嘅时候... 2006/8/29 开学噜～～唔知点解，华农比其他高校都起码早一个星期开学，搞到今日无得参加波波嘅饯别宴，呜呜～不过好彩，之前有约距、迪迪、皇帝去我屋企吹水，否则要再见距，真系不知何年何月咯～～～
今个学期学期嘅课，简直有D唔知应该点形容，一个星期有四日都要过教三上课，其中三日系早上一二节，简直系罗命啊!!!最离谱嘅系，今个学期开始唔使纪检!嗟系唔会再有人系7点钟吹BB叫我地起床!!（准确D应该系用“赶”我地起床...）但点知，唔使人叫都要早起爬过去上课，呜呜～～凄惨～～
今日一早就走过去上课了，半个钟差唔多，难得兴致勃勃去到装修过嘅绿榕园食早餐，点知我最中意食果只素面竟然卖晒!!!苦闷啊～～我最爱嘅早餐啊～～～
上左一朝《国际金融》，课本未到，但已经知道系全英嘅，而且老师嘅课件都系全英嘅，虽然睇起嚟有小许痛苦，不过觉得总算对得住我个专业中嘅“国际”二字了...
下午好不容易翻到宿舍，打开电脑，QQ都仲未登陆完，就关机了！原因？停电啊!!!大热天时停电，真系够我地受咯，听讲话线路故障，今个星期都会间歇性停电，救命～～我地班大部分女生都担凳仔聚集系我地房门口吹水，吹左差唔多3个钟都仲未有电，到最后8点几，电仲未到，而我地已经恢复“童真”——玩卜里里，天～不过尽兴啦，一大班人玩，黑嘛嘛，开头仲规定除晒眼镜嘎，哈哈，刺激～
听日系一个星期中唯一一日朝早无课嘅，好好做猪咯，呵呵～
PS. 星期日托一位摄影师哥哥嘅福，几个女生着上自己嘅靓衫去凤凰城影相，应该有专业水准呱，听讲效果唔错，到时再放相上嚟啦，呵呵～不过影足一日，真系好累啊～～原来拍广告做模特嘅人真系好唔容易嘎～～～ 2006/8/16 笔试日带住有D忐忑嘅心情去考笔试，因为深知自己无复习好，临考前果日仲系度狂睇电视剧...夜晚做左5次模拟题，都93以上，谂住都过呱，就无理距早早去做猪了～～
梦见我起身时睇钟已经7点10分了，电话响起，一个男人嘅声，跟住一个男人嘅样浮现系我眼前——唔系我嘅教练，而且之前广交会兼职个负责人!超奇怪～～跟住赶去，因为7点半系集合时间，明明搭紧的士无端端又变左搭我娘踩紧嘅单车——哩个，就系发紧梦嘅最好证明!跟住再见到我娘只手表其实已经过左8点了，原来我屋企个钟系坏嘎!!!正系度忐忑紧点同同一批考试嘅人交代时，正式嘅闹钟将我从恐怖嘅梦中惊醒...
由于有个梦嘅警吓，我无晒赖床嘅睡意，提早左20分钟到达集合点，点知等到7点半一个人都无!又系度开始担心系咪我记错日子，又或者记错时间...正此时，手机响起，但我知道我部手机系坏嘎，根本听唔倒电话!隔离嘅小卖部同洗车档都话无电话借我打，又古倒系学车度D人打嚟嘅，心急死喇!!!危急关头俾我见到间旅馆，幸好嘅靓女好人肯借俾我打，解我燃眉之急...原来只系确认我到左集合地点未，吓死以为取消我考试资格...
上左车，见到成车11个人都系D大学生甘嘅样嘅人，仲要D女嘅个个都揸住本书系度复，但我又真系唔想坐车复，一段不平坦嘅车程，带住一颗随住车嘅起伏而忐忑嘅心...
好不容易去到岑村考场，先知原来要上下课先俾考。开始以为只要忍受过果段无聊嘅教你点样“点击鼠标”嘅片就得，点知更恐怖嘅野仲系后面等紧我!要睇一个关于“典型汽车事故”嘅记录片啊!!!静系个片头就已经有好多血淋淋嘅镜头，超恐怖，我唔敢睇落去了...点知就算唔睇，个旁白都有本事描述到我反胃想呕...加上原来果度嘅空调真系唔系一般嘅冻嘎，简直觉得果间课室系炼狱啊!!!而且始终谂唔明：虽然想提高我地嘅警惕性系好，但系考试前搞到我地甘，有必要咩？或者可能系得我先会有甘大反应呱...
入到试室，空调仲系甘冻，不过由于精力都集中晒系考试上，所以感觉无甘冻了...做一百题，唔够10分钟就选晒，但系我知当中有唔少都系唔确定嘅。重新每题认真复查一次，一边检查有无谂对选错，一边数下唔确定嘅有几多题，点知...唔确定嘅岩岩有11题啊!嗟系话如果甘岩哩11题都错晒，就岩岩唔及格啊!!!紧张左好耐先决定交卷，心谂鬼叫自己唔认真复习咩，唔过就唯有下午再补考咯...好在，系我心跳得最快嘅时候，分数出左：94～谢天谢地，过了！
后来先知，我哩个分系我地过嘅人当中已经系最低嘎喇，个个都基本上系96、97，仲有个100分添啊！虽然安慰自己过就得啦，不过真系有D惭愧噜...
又一次证明，有努力有实力先可能有信心！以后唔好再甘懒惰喇～～考车同平时嘅考试真系好唔同嘎，特别系除左笔试之外嘅考试，到时，肯定会比依家更紧张，所以要好好练车先得喇！虽然未知几时先有得考桩，不过笔试都过左了，桩试还会远吗？要努力喇!!! 2006/8/3 变一上到嚟，成个版面唔同晒，一时间有D接受唔倒甘，我一向都唔系一个轻易改变嘅人，或者可以讲系一个喜欢一成不变嘅人咯...
既然都唔受我控制甘变左了，索性我都作D改变。变掉我最中意嘅粉红色，换上最简单而我又接受得倒嘅颜色。
其实虽然一直都中意粉红色，但近来对距嘅痴迷程度好似下降得好紧要。虽然行街第一眼望嘅都系粉红色嘅野，但已经变成只会远观，唔会带翻屋企嘅野。或许粉红代表嘅浪漫，我系越来越能够面对现实了，就等果份浪漫存在我嘅梦想中吧...
由于学车进度太快，但又与考试时间相差太远，所以已经无再好似前排甘勤力日日全日制学习了，已经变成隔日学一个半昼，有D懒了，不过技术无差就得啦，对我开车出街嘅一日充满信心嘎，哈哈～
哩度嘅版面风格好似始终有D接受唔倒，又要我去慢慢适应一段时间咯，我哩个不轻易改变嘅人，都系时候去改变下自己，去接受下周围事物嘅改变了... 2006/7/25 学车~每日朝早9点准时到场,12点准时离场;下午2点准时到场,5点准时离场.顶住37度的高温,系无空调的车箱中,重复指定路线...
上左三日已经学完3/4,教练问我以前系咪以前学过,我话无,做乘客就做得多;距又话我系学得最快的人,话我悟性高?I HOPE SO~
每日不停流汗、不停饮水，都仲系觉得自己就黎随住地上的水一齐蒸发~~
虽然学得快，但由于报名得太迟，要转去以严格著称的市场考（听讲去省场考宽松好多，唯一优点就系岑村离华农近...），仲要最快都要八月下旬先有得考笔试，跟住起码20日后先可以考蝴蝶桩试，跟住仲有咩9选6、长途试、路面试等等，都要相隔起码20日先有得考，唉，想暑假搞掂根本就系妄想，连今年搞得掂都无希望咯~仲有长途试要出去过夜噶！！！谂起都觉得恐怖...
唉，要继续系广州的高温天气下作战啊！好在兴趣还是有的，否则点挨啊~都好既，顺便减肥，不要辜负CC觉得我瘦左的错觉... 2006/7/17 正式翻到广州我可爱嘅家喇！考完令人(特指我～)头痛嘅两科，堕落左一日，用一日时间赶个会计实习，跟住六大袋行李将宿舍清空、赶翻屋企，第二日赶落香港，带个表妹同表弟去迪士尼同海洋公园，跟住同娘亲疯狂购物两日，跟住琴晚翻到我亲爱的广州～～～
错过左与牛牛嘅暂别宴，好遗憾，但依然相信以后一定有机会再见！
岩岩略略浏览左下各位好友嘅博客，睇嚟我无得上网嘅哩个星期似乎好多人都发生左好多事，其中有D系我替距地开心到唔知点形容嘅，只有深深的祝福!
好啦，要继续去博客课堂补课，快D update翻各位好友嘅近况先得喇，呵呵～～
PS.今日同碳、象逛街，俾碳累我买左个又贵又靓嘅袋，虽然系好中意，但出血唔少...碳，你要负责任啊!!!第日稳倒金龟婿要赞助我买更贵更靓嘅袋嘎，哈哈～～～ 2006/6/30 解放终于考完了!!!
其实只系考完5/6，不过仲有一科系7日之后先考甘咯～～
唉，都唔知D时间点安排嘅，4日考5科，之后剩翻最后一科隔七日先考...
对于今次考试，5日复4科（英语除外），仲要系四科都要系哩五日度重新自学，再复习，哩种压力，有时又可能系动力，真系难以言喻嘅...
挨啊挨，每次就挂住自修，似乎每个学期未都系甘，只不过系第一次D考试时间安排到甘密，复习时间又甘少。琴日到达最高峰，下午一科，夜晚一科，今朝一科，D考场仲要系横跨两个校区、三栋教学楼...
赶啊赶，连续3日每日只训4个半钟，早上来回于三个考场，带住未复晒嘅资料，罗住面包，边等考试边复习边食野，真系“艰苦朴素”啊～～～
今日上午考完五科中嘅最后一科，终于可以休息下了！
中午去饭堂奢侈甘食左餐西餐，跟住翻到宿舍自由自在甘做自己想左嘅野，等阵又可以好好甘训一觉，觉得哩种先系“人”嘅生活啊!!!
好好享受属于自己嘅时间，训觉去～～ 2006/6/11 结束 开始晚会已经结束好多日
但我有些逃避 逃避去回答别人的提问 逃避去听别人的评价 逃避去想存在的问题... 不能说是失败的
因为我分明看到过一位师姐对它的高度评价: 三年来最好的一台毕业生晚会; 但又不能说是成功的 因为虽然我没有去仔细想 但也能知道当中存在的种种问题... 除了晚会当场的问题
还有晚会前后期的一堆境况 不得不承认 在部长这条路上 我们要学的 还有很多... 如今
晚会结束快一个星期 离四级也剩不够一个星期了 我复习了吗? 带着晚会结束后的惰性
我还想休息 明知四级快到了 明知四级后不久就是期末考了 我还是不愿动 还是想休息 还是被一些事困扰着 扰乱着我的心绪 够了 过去的就让它过去 未来还是需要我去奋斗的 开始吧!!! 2006/5/19 终于上倒了...几经辛苦，先从人地嘅Space度登陆倒自己个，先写倒日记，
唉，真系咩都黑啊... 终于病倒了，被某人称为"铁人"的我终于都病左了(虽然我一直都知自己唔系甘"铁")...
唔知系因为果日翻风但依然系水运会结束后俾人扔落泳池之后冻亲，定系因为跟住果晚就俾上届部长等灌酒饮多左后吹风，定系因为我自己哩排饮食作息时间唔正常导致身体抵抗力变差，总之，我系病左了... 名正言顺地逃左一朝课训系张床度，点知就撞正英语课即堂写作文；中午赶去考会计，无复过习嘅结果应该唔会好得去边；一直全身乏力，逃左节选修，又撞正点名；好大机会会点名嘅选修我去左，点知又无点...  我觉得系个天老点我多D... 今次唔知咩回事，总是病得郁郁闷闷，宁愿好似以前甘狠狠地发烧或狠狠地咳嗽算了，点知又唔知咩原因甘成身无力，今日仲要成日都作呕作闷，俾人话我唔知同边个有左...
 真系好忙啊，送旧真正要来临了，琐碎事一大堆，学生会换届后艺术团换届又关我地事了。虽然其实曾经真系几茫然，不过经过同师兄的可以讲系"平和的争辩"后，我觉得我同玉珍都成熟左唔少。
其实一直都知道我地两个都唔系容易被欺负嘅人，更唔会轻易妥协，不过经过哩段时间嘅工作，我觉得好多人都会对我地两个有颇大嘅改观，我地唔再系生活系部长羽毛下嘅人了，我地会撑起一片属于自己嘅天空! 近来除左工作，学习都令我觉得好惊好紧张，实在无几多时间可以摆落学习度，虽然话四级唔系太紧要，过左就得只要考好六级，但我都系唔想罗个4字头翻嚟...咩都未复啊，睇住宿舍嘅人系度讨论作业、去自修，我自己就一日开哩个会开果个会，又周围去做野，真系有D心酸...
不过无论点都好啦，选择左就要坚持咯!
虽然系辛苦，但我相信挨过后会有另外一种感受! 我会抓紧可用嘅时间去学习嘎了! 我唔会轻易放弃任何一样野嘎!  2006/4/25 剪头发入咗理发室，就好似放系砧板上嘅肉，任人宰割...
理发师似乎永远理解唔到剪发人嘅心情，面无表情地一刀刀剪下去，不管剪发人的心有多痛，好似睇到长长的头发，唔剪落去就有愧于心咁...
但距地始终唔知睇住头发一咎咎咁落下，我的心有几痛...
其实我剪得唔多，对比起及腰的头发，5、6厘米大概算唔上乜野，但我真系心痛...
20年黎，似乎无一次走出理发店系带着笑容嘅，真是可悲...
我知道头发剪咗仲会长，但，但要等几耐呢?! 2006/4/19 选择离开今天，经管女篮输球了...
一直都被看好的球队，以最悲壮的形式结束了这次的比赛——21：22，一分惜败！ 输球的原因很多。我们队的实力不容质疑，但要获得成功，要依托的因素真的很多... 我们缺少的不是实力，只是上天的眷顾... 在终场哨响起的一刻，我的眼泪夺眶而出...几乎每位队员都在哭，其他人在安慰，一切都太出乎所料了...我的眼泪不知怎的就是停不住，其他队员都停了，可我一想到结果眼泪就忍不住... 或许其实我的眼泪比其他队友都多了一些感慨，因为我对待这场比赛的心态似乎和大四的师姐差不多，觉得这是我在篮球队的最后一场比赛了...由于自己的实力问题，下一年或许就不能再留在篮球队了，虽然还是可以在场下为队伍加油，可是所处位置不一样，角色不一样，感受也会不一样吧！ 在这个队伍里面，我一直都只是一名后备，比我强比我好的人实在太多。但我没有什么怨言，因为实力确实不如人家，而且每位队友都对我很好，球队的团结也很令我感动，能够成为当中的一员，实在是一种幸运～ 虽然我很不舍得这支队伍，但是我想我还是要离开。因为既然没有突出的特点和实力，就不应该再占着一个位置，应该让更有能力和潜力的人进去这支队伍里为队伍做出贡献。无论是勇夺冠军还是遗憾得亚，这两年在球队里的经历，都是我人生的又一笔财富，我永远都不会忘记的！ 祝愿经管男篮在星期五的决赛中击败工程!!! 祝愿经管女队下一年把冠军夺回来!!! 2006/4/17 忙忙忙近来忙得有点不似人形...
专业篮球赛终于圆满落幕，我们班夺得了男子亚军，女子冠军的战绩，不错吧！
院际篮球赛接近尾声，经管男女队都进入了决赛。双双夺冠当然是最希望的，信心也是有的，不过即使不能，我们也无悔吧，大家都尽力了！永远不会忘记那种团结的精神，那些震天动地的加油声... 开始上党课了，每个星期一个晚上加一个整天，接受思想政治的熏陶，还要每星期写一篇思想汇报、一篇读书心得...
学生会的换届虽然还没正式进行，但去留基本已成定局，送旧晚会的事宜也开始密锣紧鼓地开始进行了。压力颇大，茫然的地方也颇多，不过既然选择了，就不能辜负相信我们的部长，不能枉费我的同伴为我付出的一切！
专业课也在这时候开始"发力"了！马经1000～1500字，国贸3000字，会计、进出口贸易的期中考，还有英语四级...
当这么多东西一起涌过来的时候，人真的很容易有被击溃的感觉...面对太多的不确定，真的很茫然...不过学习还是要放在首位的，我的前途在一定程度上还是要靠这一张张成绩单的...
只希望每天留在宿舍的时间能够多一点...只希望能给我回家一天... |
|
||||
发送私人消息
订阅 RSS 源
告诉朋友
添加到 Live.com
添加至您的网络
订阅提醒
|
|
